بتقولي انهم ظلموني
ولحد غيرك
وافقوا انهم يجوزوني
مش مصدقه انهم
منك يحرموني
شكلهم ما يعرفوش
ان انت نور عيوني
وان انت الشئ الوحيد
اللي صحباتي عليه بيحسدوني
مش هنساك
وهافضل دايما فاكراك
واللحظه اللي هاكونها في حضنه
هاحسها كآني معاك
....................
قولتلها مجنونه انتي
والا عقلك راح منك فين
ازاي قدرتي في ثانيه
تهدي حلم السنين
ما انا قولتهالك قبل سابق
ان حياتك متوقفه علي كلمتين
لازم يخرجوا من بين شفايفك
ويسمعها كل الموجودين
ان فلان ده انا مش عايزاه
ومحرم علي ليوم الدين
بس انتي ما اتكلمتيش
وعايشالي في دور المظلومين
وجيالي تبكي بدموعك
وتقوليلي اهلي ظالمين
لا اهلك مش ظالمين
دا كل اللي هما عايزينه
ان عليكي يبقوا متطمنين
بس انتي بقي
دورك هنا راح فين
كنتي انتي بقي قولتيلهم
راحتك هاتبقي مع مين
ما هما ما يعلموش الغيب
ولا يعرفوا حتي بتحبي مين
مش يمكن لو كانوا عرفوا
كان زمانا مع بعض متهنين
.............
الثلاثاء مايو 30, 2017 11:27 pm
